اللي يقول الحب موجود كذاااااااب
حاجات ممنوعه يسمونها حب
واللي يقول أسهرني العشق نصاااااااب
ويعرف نصابه معلمته النصب
ماشافت عيوني مواليف وأحباب
والعشق لا أتحكم بقلبي ولا طب
أكتب غزل كذا على شان الأعجاب
ماهو على شان الهوى كل ماهب
لا هب نسناس الهوى خاطري ذاب
ولا خلص النسناس وشلون بأشتب
أوهام شعار وتخاريف بكتاب
والجيل ذا جيل الغلا عندهم لعب
نهيت قلبي من طبوعه ولا تاب
قد قلت له خل الصراحه على جنب
لان الصراحه دائما تفتح أبواب
وتحول المعروف دايم إلى ذنب
اللي يبي يزعل بيلقى له أسباب
لو مالي بقول الحقيقه ترى ذنب
حنا بزمن فيه العلاقات بحساب
للخافيه ريبه وللواضحه رب
حب أهلك وحب الوطن حب الأصحاب
ذولا لا قلت تحبهم فعلا تحب!!